今日去到諗唔到寫咩，寫番早幾個月，都係唔提邊個月發生，順便提醒一下用家常見中伏經歷。

這位客人都算是很夠義氣，事源佢朋友移民前，就將一大堆佛牌送了給他，這位客人沒有宗教信仰，送了給他只能說既用不著，又唯有捱義氣幫手保管。

數年之後，發覺自己都不想再保管，就向我查詢如何處理，基於見到佢都十分無助，唯有幫幫佢比少少意見指引一下。

拎上手看那一大堆佛牌，數量大約80多尊牌，當中只有少於10尊是真品，其餘的全部假牌（仿製品）。

當日因為我店有位小幫手從旁執頭執尾，

佢就問我：點解你拎上手幾秒鐘就放低話係假？你真係有睇過？

我：其實假牌都有分高仿低仿，佢呢類做工係最低質的一類，其實係好劃一既材質同色水，基本上一望都知九成。

至於點先算好劃一既假牌，我在少量圖片作參考，希望可以幫到下手。